Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 161 Hüküm no: 158 Orijinal metin no: [16a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Halil b. İbrahim’in mirasının çocukları arasında paylaştırılması ve çocukların kendi aralarında hisse satışı Budur ki Mahrûse-i Üsküdar mahallâtından Gerede mahallesinde sâkin olup bundan akdem müteveffâ olan merhûm Halil b. İbrahim nâm kimesnenin li eb ve üm karındaşı olup Silahdârlar zümresinden olan Mustafa asâleten ve diğer karındaşı Abdurrahman tarafından vekâleten mahfil-i kazâda müteveffâ-yı mezbûrun sulbî kızı Ayşe’nin vekîli olup vekâleti nehc-i şer‘î üzre sâbite olan zevci Mehmed b. Mustafa ve zevcesi Emine bt. Hızır nâm hâtun mahzarlarında ikrâr ve i‘tirâf edip müteveffâ-yı mezbûrun zevcesi Emine’nin yerine binâ eylediği evden ve sâir esbâb ve emlâkdan bana ve diğer karındaşım merkūm Abdurrahman’a irs-i şer‘le intikāl eden hisse-i şer‘iyyemiz ba‘de’l-hesâb üç bin akçe olup hâlen meblağ-ı mezbûru mezbûrân Ayşe ve Emine yedinden bi’t-tamâm ve’l-kemâl alıp kabz eyledim ba‘de’l-yevm müteveffâ-yı mezbûrun muhallefâtından bana ve karındaşıma hisse için benden veya kardeşim Abdurrahman’dan da‘vâ ve nizâ‘ sâdır olursa lede’l-hükkâm istimâ‘ olunmaya dedikde biz mezbûrun vech-i meşrûh üzre vâki‘ olan ikrârını mezbûretân vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Şuhûdü’l-hâl: El-Hâc Hüseyin [b.] Mustafa, Mehmed Çelebi, Ali Halîfe [b.] Mahmud, Mustafa [b.] Memi, Ali Reis [b.] İbrahim ve gayruhüm