Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 164 Hüküm no: 167 Orijinal metin no: [17a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fatma Hâtun bt. Memi’nin, Zahriye v. Dimitri’den alacaklı olduğu Oldur ki Fâtıma Hâtun bt. Memi nâm hâtun tarafından husûs-ı âtîye vekâleti şer‘an sâbite olan es-Seyyid Ahmed b. Es-Seyyid Veli meclis-i şer‘de Zahriye v. Dimitri’den da‘vâ kılıp mezbûre Fâtıma Hâtun’un merkūm Zahriye nâm zimmîde on bin akçe asıldan ve bin akçe dahi ribhden cem‘an on bir bin akçe var idi iki bin dört yüz kırk sekiz akçesin aldım bâkī sekiz bin beş yüz elli iki akçe kaldı dedikde mezbûr Zahriye’den hakīkat-i hâl suâl olundukda ikrâr edip fi’l-hakīkat meblağ-ı mezbûr on bir bin akçe deynim olup iki bin dört yüz kırk sekiz akçe mezbûr es-Seyyid Ahmed’e teslîm edip bâkī sekiz bin beş yüz elli iki akçe kaldı zikr olunan bâkī sekiz bin beş yüz elli iki akçe lâzımü’l-edâ ve vâcib-i kazâ deynimdir dedikde Muhzır Muttalib’e meblağ-ı mezbûru tahsîl için medyûn-ı mezbûr havâleye verildi. Tahrîren fi’t-târihi’l-mezbûr. Şuhûdü’l-hâl: Eş-Şeyh Maksud Efendi, Muttalib b. Süleyman, Mustafa b. Mehmed, Şemseddin [b.] Sâdık, Mustafa b. Ahmed ve gayruhüm