Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 165 Hüküm no: 168 Orijinal metin no: [17a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. İbrahim ile A‘mâ Hasan b. Mustafa’nın alacak verecek anlaşmazlığı Budur ki Mahmiye-i Kostantıniyye’de sâkin el-Hâc Ali b. İbrahim nâm kimesne mahfil-i kazâda A‘mâ Hasan b. Mustafa nâm kimesne mahzarında takrîr-i da‘vâ edip bundan akdem mezbûr A‘mâ Hasan ile ben iki bin akçe verip ve mezbûr dahi tîmarı mahsûlünden kalîl ve kesîr her ne hâsıl olursa onu vermek üzre şerîk olup ben de zikr olunan iki bin akçeyi kendilerine vermeye havf etmeğin beş bin akçeden ilhâk edip cem‘an yedi bin akçeyi Abdurrahman nâm kimesnenin kefâletiyle mahmiye-i Kostantıniyye’de eski Sultan Mehmed Hân -tâbe serâhu- hazretlerinin hareminde merkūm Abdurrahman’ın yedine verdim ol dahi mezbûr A‘mâ Hasan’a verdi hâlen taleb ederim dedikde gıbbe’s-suâl mezbûr Hasan inkâr edip ne mezbûr Abdurrahman yedinden ve ne mezbûr Ali yedinden bir akçe almadım ve deynim dahi yokdur deyu inkârı kayd olundu. Tahrîren fî evâili Cemâziyelevvel sene elf. Şuhûdü’l-hâl: Muttalib b. Süleyman, Mehmed b. Behrâm, Mehmed Çelebi el-müstaid, diğer Mehmed Çelebi el-kâtib ve gayruhüm