Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 172 Hüküm no: 188 Orijinal metin no: [18b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zeyneb bt. Mustafa’nın, Hacı Sevindik b. Ali’ye borçlu olduğu Budur ki Mahrûse-i Üsküdar sâkinelerinden Zeyneb bt. Mustafa nâm hâtun mahfil-i kazâda bâ‘isü’l-hurûf Hacı Sevindik b. Ali nâm kimesne mahzarında ikrâr ve takrîr-i kelâm edip zevcim Mehmed b. Hasan nâm kimesnenin mezbûr Hacı Sevindik’e iki bin akçe deyni olup târih-i kitâbdan iki sene tamâmına değin beher sene biner akçe vermek üzre kefîl bi’l-mâl oldum ve târih-i mezbûrdan mukaddem mezbûr Hacı Sevindik’den üç bin akçe dahi karz almış idim hâlâ iki bin akçe kefâletden ve üç bin akçe karzdan cem‘an beş bin akçe lâzımü’l-edâ ve vâcibü’l-kazâ deynimdir dediği mukırra-i mezbûrenin vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fî evâsıtı Cemâziyelâhir sene elf. Şuhûdü’l-hâl: Mustafa b. Mehmed, Muttalib [b.] Süleyman, Şemseddin b. Sâdık, Mehmed Çelebi b. el-müstaid ve gayruhüm Yevmü’s-sülesâ fî 11 Cemâziyelâhir