Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 173 Hüküm no: 190 Orijinal metin no: [18b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Memi ve kardeşi Mustafa b. Sinan’ın, Sinan b. Abdullah’a olan borçları sebebiyle hapsedildiği Oldur ki El-Hâc Sinan b. Abdullah nâm kimesne mahfil-i şer‘de Mustafa b. Sinan mahzarında da‘vâ kılıp mezbûr Mustafa’nın karındaşı İstanbul’da mahbûs olup gelip karındaşı mezbûr Mustafa benden üç bin nakid akçe alıverip kendi kefîl oldu hâlâ kefâleti hasebiyle mezbûr Mustafa’dan taleb ederim dedikde gıbbe’s-suâl mezbûr Mustafa inkâr edicek müdde‘î-i mezbûrun da‘vâsına muvâfık beyyine taleb olundukda udûl-i müslimînden Mehmed b. Ahmed ve Ali b. Kasım nâm kimesneler edâ-yı şehâdet-i şer‘iyye kılıp fi’l-vâki‘ Mustafa Bey karındaşı İstanbul’da Himmet nâm cebeciye üç bin akçe deyni olup mezbûr cebeci merkūm Himmet’i habse verip âkıbet mezbûr Mustafa müdde‘î-i mezbûrdan üç bin akçe alıverip kendi meblağ-ı mezbûra kefîl oldu biz bu husûsa şâhidiz şehâdet dahi eyleriz dediklerinde şâhidân-ı mezbûrânın şehâdetleri hayyiz-i kabûlde vâki‘ oldukdan sonra mezbûr Mustafa’dan meblağ-ı mezbûr müdde‘î-i merkūma hükm olundukda mâ vaka‘a kayd şud. Şuhûdü’l-hâl: Mehmed Yayabaşı, Mahmud b. Abdullah, Şaban b. Nasûh, Mirzâ b. Oruç, Derviş b. Abdullah