Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 182 Hüküm no: 210 Orijinal metin no: [20b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şerbetçilere Bâli b. Halil’in kethüdâ tayin edildiği Budur ki Mahrûse-i Üsküdar’da vâki‘ olan şerbetçilerden Sefer [b.] Abdullah ve Mustafa b. Ahmed ve Osman b. Hüsam nâm kimesneler ve sâirleri mahfil-i kazâya hâzırûn olup cümlemizin ittifâkı ile bâ‘isü’l-hurûf Bâli b. Halil nâm kimesneyi kethüdâ nasb eyledik kadîmden kethüdâ olanlar ne minvâl üzre hizmet ederse mezbûr dahi ol minvâl üzre hizmet eylesin dedikde mezbûr dahi kabûl eyledikden sonra mâ vaka‘a bi’t-taleb tahrîr olundu. Şuhûdü’l-hâl: Üstâd Mehmed Kethüdâ Şerbetçi-i İstanbul, Halil b. İbrahim, Pervâne b. İskender, Kasım b. Ali ve gayruhüm