Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 261 Hüküm no: 400 Orijinal metin no: [38a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kasab Süleyman’ın, Mehmed b. Ömer’e babasından kalan mirasın muhâfazası için vasî tayin edildiği Budur ki Mehmed b. Ömer nâm sagīr ve marîze babasından irs-i şer‘le intikāl eden mâl-ı mevrûsunu zabta kıbel-i şer‘den bir vasî lâzım ve emr-i mühim olmağın bâ‘isü’l-hurûf Kasab Süleyman müstakim ve her vechile vasî olmaya mahal olmağın kıbel-i şer‘den vasî nasb olunup mezbûre dahi mezbûrun mâl-ı mevrûsunu emânet ve istikāmet ile zabt ve hıfzı kabûl eylemeğin bu hurûf tahrîr olundu. Tahrîren fi’t-târihi’l-mezbûr. Şuhûdü’l-hâl: Muttalib b. Süleyman, Sefer b. Abdullah, Hacı Memi b. Abdullah ve gayruhüm