Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 261 Hüküm no: 401 Orijinal metin no: [38a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vasinin, ölen Mehmed’in, kızına düşen hisseyi satıp tedâvisine harcamayı istediği Budur ki Vasîyy-i merkūm mahfil-i kazâya gelip ben vasî olduğum Mehmed’in kızının marazı olup cerâhiyeye kemâl mertebe ihtiyâcı olup ve nafaka[ya] dahi kemâl-i ihtiyâcı olup sâir nesnesi olmayıp karındaşları sagīr Osman ve Mustafa’ya bir ev kalıp zikr olunan evden mezbûra âid olan hissesi ta‘yîn olunup ve satılıp nafaka ve cerrâhiyesine sarf olunmasını taleb ederim dedikde mahkeme kâtibi Mevlânâ Mehmed ve zeyl-i kitâbda ismi mastûr olan Müslümanlar ile irsâl olunup vardıklarında mezbûrân Osman ve Mustafa’ya iki bâb ev bir mikdâr bahçe ta‘yîn olunup mezbûr Mehmed’e Topçu oğullarından cânibinden ev yeri ki asma çubuğundan bir zirâ‘ karîb yerden ayva fidanların duvar nihâyetine varınca ta‘yîn olunduğu mevlânâ-yı merkūm haber vermeğin bu hurûf tahrîr olundu. Tahrîren fi’t-târihi’l-mezbûr. Şuhûdü’l-hâl: Halil b. Ramazan, Hüseyin b. Kaya, Receb b. Himmet, Hacı Veli b. Mustafa, Muttalib b. Süleyman ve gayruhüm