Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 264 Hüküm no: 407 Orijinal metin no: [38b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Mehmed’in, babasından kalan ev hissesini kardeşi Abdi’den aldığı Evliyâ Hoca mahallesinden Hasan b. Mehmed birâderi Abdi b. Mehmed el-mezbûr mahzarında ikrâr ve i‘tirâf edip mahalle-i mezbûrede vâki‘ babamızdan bize intikāl edip inde’l-cîrân ma‘lûmetü’l-hudûd olan evden bir yer evini ve bir kuyuyu ve bir fırın ve havlunun Yusuf Çelebi b. Budak mülkünden tarafının nısfını iki tarafı tarîk-i âmla mahdûd ve mezbûr Abdi mülküyle mahdûd ev hisse-i şer‘iyyemi aldım mezbûr birâderim Abdullah’ın zimmetini da‘vâ-yı merkūmdan ibrâ’-i âmla ibrâ’ ve ıskāt eyledim dedikde ol dahi tasdîk eylediği kayd olundu. Şuhûdü’l-hâl: Yusuf Çelebi b. Budak, Hızır Halîfe b. Odabaşı, Ahmed Çelebi birâder-i o, Seyyid Sâdık b. es-Seyyid Mehmed, Ali Hoca b. Mahmud, el-Hâc Kurd b. Beşir, Davud Çelebi b. İbrahim, Fazlı b. Mehmed ve gayruhüm