Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 264 Hüküm no: 408 Orijinal metin no: [38b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdi b. Mehmed’in, babasından kalan ev hissesini kardeşi Hasan’dan aldığı Oldur ki Mahalle-i Evliyâ Hoca’dan Abdi b. Mehmed karındaşı Hasan mahzarında ikrâr ve i‘tirâf edip mahalle-i merkūmede vâki‘ babamızdan bize irs-i şer‘le intikāl edip inde’l-cîrân ma‘lûmetü’l-hudûd olan evden bir ahırı ve bir çatma çardağı ve anbarı ve bir yer odasını ve bir mikdâr bahçesiyle iki tarafı tarîk-i âmla mezbûr Hasan ve Yusuf Çelebi mülkleriyle mahdûd olup evden hisse-i şer‘iyyemi alıp da‘vâ-yı merkūmeden mezbûrun zimmetini ibrâ’-yı âmla ibrâ’ ve ıskāt eyledim dedikde mukırr-ı mezbûrun ikrârını mukarrun lehü’l-merkūm vicâhen tasdîk eylediği kayd şud. Şuhûdü’l-hâl: es-Sâbikūn Yevmü’l-hamîs fî 23 Şa‘bâni’l-mu‘azzam