Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 264 Hüküm no: 409 Orijinal metin no: [38b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Mehmed’in, babasından kalan yerleri Mustafa b. Yusuf’a sattığı Bolu kazâsından Gülveren’den Mustafa b. Mehmed nâm kimesne mahfil-i kazâda kazâ-i mezbûrdan Felaketeyn Gölü nâm karyeden Mustafa b. Yusuf nâm kimesne mahzarında ikrâr ve takrîr-i merâm kılıp mezbûr Mustafa’ya babamdan bana ve karındaşlarıma ve yine karındaşlarımdan bana intikāl edip izn-i sipâhi ile bana aldığım babamın yerlerini bin beş yüz akçeye hakk-ı karârını sâhib-i arz ma‘rifetiyle tefvîz edip bu mukābele-i tefvîzde meblağ-ı mezbûru alıp kabz edip zikr olunan tarlaları mezbûra teslîm eyledim ol dahi alıp kabz eyledi dedikde mukırr-ı mezbûru mukarrun lehü’l-mezbûr bi’l-muvâcehe tasdîk eylediği bi’t-taleb kayd olundu. Fi’t-târihi’l-mezbûr Şuhûdü’l-hâl: Mehmed Dede b. Safer, Mustafa b. el-Hâc Mehmed, Mehmed b. Musa, Mahmud b. Musa ve Hasan b. Musa ve Mehmed b. Habîb