Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 266 Hüküm no: 413 Orijinal metin no: [39a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Allahverdi b. Mansur’un, Halil Bey b. Musa’ya Mushaf-ı Şerîf bedelinden borçlu olduğu Vilâyet-i Maraş’dan Allahverdi b. Mansur nâm cündî mahfil-i kazâda yine Maraş’dan Halil Bey b. Musa nâm sipâhi mahzarında ikrâr ve i‘tirâf edip mezbûr Halil Bey’den on iki bin akçeye bir Mushaf-ı şerîf alıp dört bin beş yüz akçesin verip bâkī yedi bin beş yüz akçe ki te’kîden li’l-asl ve tavzîhan li’l-kül nısfı üç bin yedi yüz elli akçe eder meblağ-ı mezbûr yedi bin beş yüz akçe lâzımü’l-edâ ve vâcibü’l-kazâ deynimdir deyip Elbistan Alaybeyisi fahrü’l-emâsil ve’l-akrân Himmet b. Dündar nâm kimesne meblağ-ı mezbûra ben kefîl oldum dedikde mukırrân-ı mezbûrânın kelâm-ı meşrûhların mukarrun lehü’l-merkūm vicâhen ve şifâhen tasdîk eyledikleri kayd şud. Şuhûdü’l-hâl: Mustafa Çelebi b. Mevlânâ Sinan, Mahmud Çelebi b. el-müstaid, Bekir Çelebi b. el-müstaid, Mehmed b. Bayezid