Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 266 Hüküm no: 414 Orijinal metin no: [39a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Hüseyin’in, Mehmed b. Ali’ye sattığı koyunları yanlışlıkla Mustafa’ya teslim ettiği Resûloğlu nâm karye sükkânından Mehmed b. Ali nâm kimesne mahfil-i kazâda Hasan b. Hüseyin nâm kimesne mahzarında takrîr-i kelâm edip bundan akdem mezbûr Hasan’dan yüz dokuz re’s koyunu addedip beher re’s dokuzar hesâbı üzre bâzâr edip akçesin getirmeğe gidip geldikde vermede te‘allül eder suâl olunup vukû‘ı üzre tahrîr olunmasın taleb ederim dedikde gıbbe’s-suâl merkūm Hasan ikrâr ve i‘tirâf edip fi’l-hakīka zikr olunan yüz doksan re’s koyunu addedip doksanar üzre mezbûr Mehmed’e verdim lâkin merkūm Mehmed evine gittikde Mustafa nâm kimesne zikr olunan koyunu merkūm Mehmed ile müşterek aldık deyu hîle ile aldı zikr olunan koyunlar mezbûr Mehmed’indir akçesin dahi bi’t-tamâm aldım kabz eyledim dediği bi’t-taleb kayd şud. Şuhûdü’l-hâl: Hasan b. Hamza, Mehmed b. Behrâm, Sefer b. Abdullah ve gayruhüm