Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 270 Hüküm no: 422 Orijinal metin no: [39a(2)-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aynî bt. Musa’nın, Fatma bt. Mahmud’a açtığı tarla davasından vazgeçtiği Aynî bt. Musa tarafından ibrâya vekîl olup vekâleti nehc-i şer‘î üzre sâbit olan oğlu Hasan nâm kimesne mahfil-i kazâda Fâtıma bt. Mahmud tarafından da‘vâ ve tasdîka vekâleti sâbite Mahmud b. Ali nâm kimesne mahzarında ikrâr ve takrîr-i kelâm edip müvekkilem mezbûre Aynî mahrûse-i Üsküdar muzâfâtından Soğanlık nâm karyede vâki‘ bir cânibi Derviş tarlasıyla ve bir tarafı Mustafa bağıyla ve bir bahçe ve kuyuyu müştemil bir bâb çatma evi müvekkilem mezbûre Aynî anam Semi’den bana intikāl eyledi deyu da‘vâ eylemiş idi hâlâ zikr olunan da‘vâdan fâriğa oldu mezbûrenin zimmetini ibrâ’ ve ıskāt eyledim ba‘de’l-yevm mezbûreden ve bir gayrı vekîlinden nizâ‘ vâki‘ olursa lede’l-hükkâm nâ-mesmû‘ ola deyicek mâ vaka‘a tahrîr olundu. Şuhûdü’l-hâl: Es-sâbikūn Yevmü’l-isneyn fî 27 Şa‘bâni’l-mu‘azzam