Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 274 Hüküm no: 432 Orijinal metin no: [40b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eksati bt. Yani’nin, ölen Todoro’nun çocukların vasisi Papa Şinas’a açtığı miras davasından vazgeçtiği Mahmiye-i Galata kazâsına tâbi‘ Yeniköy’den Eksati bt. Yani nâm zimmîye mahfil-i kazâda bundan akdem Şile nâm kasabadan olup mürd olan Todoro nâm zimmînin Kostantin ve Manol ve Aksatine nâm sagīr ve sagīresine vasî nasb olunan Papa Şinas mahzarında ikrâr ve takrîr-i merâm kılıp mürd-i mezbûrdan bana irs-i şer‘î ile hisse-i şer‘iyye intikāl eder deyu da‘vâ edip bir nice kere münâza‘at-ı kesîre ve muhâsemât-ı şedîde vâki‘ olmuşdu hâlâ mâ-beynimize muslihûn tavassut edip bizi ıslâh edip ba‘de’l-yevm ben dahi vasîyy-i mezbûrdan mîras husûsuna müte‘allik da‘vâdan ve nizâ‘dan fariğa oldum dedikde mukırr-ı mezbûrenin vech-i meşrûh üzre vâki‘ olan ikrârını vasîyy-i merkūm vicâhen ve şifâhen tasdîk eylediği kayd şud. Şuhûdü’l-hâl: Süleyman b. Ömer, Hasan b. Sâdık, Muttalib b. Süleyman, Hüseyin b. Behrâm, Bâli Reis b. Mehmed, Halil Halîfe b. Mehmed