Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 276 Hüküm no: 437 Orijinal metin no: [41a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fatma bt. Hacı Ferhad’ın, evlerini Muharrem b. Kılıç’a sattığı Budur ki Fâtıma bt. Hacı Ferhad nâm hâtun mahfil-i kazâda bâ‘isü’l-hurûf Muharrem b. Kılıç nâm kimesne mahzarında ikrâr ve takrîr-i kelâm edip Torbalı mahallesinde vâki‘ bir tarafı Cinci Kadı evi demekle ma‘rûf kimesnenin eviyle bir tarafı tarîk-i âmla ve bir tarafı Gülâbi eviyle bir tarafı ( ) ile mahdûd olan bir bâb fevkānî ve iki bâb tahtânî evi ve kuyuyu ve eşcâr-ı müsmire ve gayrı müsmireyi ve kenîf müştemil olan menzilimi sekiz bin beş yüz akçeye bey‘ edip teslîm-i mebî‘ ve kabz-ı semen kıldım keyfe mâ yeşâ mutasarrıf olsun dedikde mukırra-i mezbûrenin vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk edip mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Es-sâbikūn