Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 277 Hüküm no: 438 Orijinal metin no: [41a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Memi b. Abdullah’ın bahçesine, Ahmed b. İbrahim’in çardağının havale olduğu gerekçesiyle kaldırılmasını istediği El-Hâc Memi b. Abdullah mahfil-i kazâda takrîr-i merâm kılıp Ahmed b. İbrahim nâm kimesnenin bir çardağı benim bahçeme havâledir üzerine varılıp keşf olunup men‘ olunmasın taleb eylerim dedikde kıbel-i şer‘den Mevlânâ Mehmed ile zeyl-i kitâbda bi’l-esâmî mastûr olan müslimûn ile üzerine varılıp keşf olundukda müdde‘î-i mezbûr vech-i meşrûh üzre da‘vâ edip merkūm Ahmed’in bir çardağı benim bahçeme havâledir ehl u iyâlim bahçe içinde gezemez bana zulümdür şer‘le men‘ olunmasın taleb eylerim dedikde gıbbe’s-suâl mezbûr Ahmed fi’l-vâki‘ benim çardağım merkūm el-Hâc Memi’nin bahçesine havâledir deyu ikrâr ve i‘tirâf eyleyip ve mevlânâ-yı müşârunileyhe dahi havâle olduğun haber verdikde her ne mertebe ile ref‘ mümkün ise havâlesi men‘ olunmasına tenbîh olunduğu kayd olundu. Şuhûdü’l-hâl: Müstecâb b. Mustafa, Ali b. Hüseyin, Abdullah b. Memi, İsmail b. Abdullah, Sefer b. Abdullah ve gayruhüm