Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 292 Hüküm no: 473 Orijinal metin no: [44b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Bâşe b. Abdullah’ın, bağ mahsûlüne karşılık Gazanfer’den borç aldığı Mudanya kazâsına tâbi‘ Tirilye nâm karyeden Hüseyin Bâşe b. Abdullah nâm kimesne mahfil-i kazâda bâ‘isü’l-hurûf karye-i mezbûreden Gazanfer nâm yeniçeri mahzarında ikrâr ve takrîr-i kelâm edip mezbûr Gazanfer’den iki bin dört yüz nakd râyic fi’l-vakt akçe aldım karye-i mezbûrede vâki‘ bağlarımın ve bahçelerimin mahsûlünden alıp kabz etmek üzre ba‘de’l-yevm mezbûr Gazanfer Bey zikr olan bağın mahsûlünden alıp kabz etmeye kimesne mâni‘ olmaya dedikde mukırr-ı mezbûrun vech-i meşrûh üzre vâki‘ olan ikrârın mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fî evâsıtı şehri Ramazâni’l-mübârek sene elf. Şuhûdü’l-hâl: Derviş b. Abdullah, Ahmed Bey b. Abdullah, Bâli b. Ferhad, Ahmed Halîfe el-müstaid ve gayruhüm