Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 309 Hüküm no: 508 Orijinal metin no: [48b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Ahmed’in evini, Hoca Aydın Vakfı’na bey‘ bi’l-istiğlâl yoluyla sattığı Budur ki Ayşe bt. Ahmed nâm hâtun mahfil-i kazâda merhûm Hoca Aydın vakf eylediği akçeye mütevellî olan Hoca Ferhad nâm kimesnenin vekîli olan Mehmed b. Nuh nâm kimesne mahzarında ikrâr edip mezbûr Mehmed’e mahalle-i Ma‘mûre’de vâki‘ bir tarafı Müntehâb Abdullah ve bir taraf Mustafa nâm yeniçeri ve bir tarafı Ali ve bir tarafı tarîk-i âm ile mahdûd olan mülk evimi istiğlâl tarîkiyle üç bin akçeye bey‘ edip teslîm-i mebî‘ ve kabz-ı semen kıldıkdan sonra yine sene-i elf Ramazânı’nın gurresinden bir yıl tamâmına değin üç yüz akçe icâreye aldım dedikde mukırr-ı mezbûra vech-i meşrûh üzre vâki‘ olan ikrârını mukarrun lehü’l-merkūm vicâhen tasdîk ettiği bi’t-taleb tahrîr olundu. Tahrîren fî evâhiri şehri Ramazâni’l-mübârek sene elf. Şuhûdü’l-hâl: Mehmed Cabi, Kalaycı Ahmed, Bâli Halîfe b. Pîr Kadem el-imâm, Çelebi Hüseyin Mûytâb, Ali b. Kamuran ve gayruhüm