Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 312 Hüküm no: 512 Orijinal metin no: [49a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vakıf fırının tamir masraflarının belirlenmesi Sicill-i sâbıkda mastûr olan Derviş Çelebi mahfil-i kazâya gelip merhûm-ı mezbûrun Kefçe mahallesinde vâki‘ olan fırını müceddeden binâ olunmağa ve ahırına ve sâir meremmetine muhtâc olan yerleri ta‘mîre muhtâcdır üzerine varılıp ne mikdâr akçe ile binâ ve ta‘mîr olunur tahmîn-i sahîh ile tahmîn olunmasın taleb ederim dedikde hâssa mi‘mârlardan Usta Ali ve Yorgi ve mahkeme kâtibi Mevlânâ Mehmed irsâl olunup vardıklarında zikr olunan fırın ve ahırı ve sâir ta‘mîre muhtâc olan yerleri ve teknesi sekiz bin üç yüz akçe ile ancak olur deyu tahmîn eylediklerini mevlânâ-yı merkūm haber vermeğin bu hurûf ber sebîl-i temessük ketb olundu. Şuhûdü’l-hâl: es-Sâbikūn