Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 311 Hüküm no: 511 Orijinal metin no: [49a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vakıf odaların tamir masraflarının belirlenmesi Sicill-i sâbıkda mastûr olan Derviş Çelebi mahfil-i kazâya gelip merhûm-ı mezbûr Üsküdar’da Yalı kurbunda vâki‘ vakıf odalardan iki bâb fevkānî oda bi’l-külliye harâb olup müceddeden binâ olunması lâzımdır üzerine varılıp ne mikdâr akçe ile binâ olunur tahmîn-i sahîh ile tahmîn olunmasın taleb ederim dedikde hâssa mi‘mârlardan Usta Ali ve Yorgi ve mahkeme kâtibi Mevlânâ Mehmed irsâl olunup mahall-i mezbûra vardıklarında fi’l-hakīka iki bâb oda bi’l-külliye harâb olup ta‘mîri lâzım olmağın zikr olunan iki bâb oda müceddeden cemî‘ levâzımıyla ve kireç sıvasıyla dört bin üç yüz doksan akçe ile ancak olur deyu tahmîn-i sahîh ile tahmîn olunup ve zikr olunan odaların edebhânesi dahi bi’l-külliye hedm olunup binâsı üç yüz kırk akçe ile ancak olur deyu tahmîn eylediklerinde mevlânâ-yı merkūm haber vermeğin bu hurûf tahrîr olundu. Şuhûdü’l-hâl: es-Sâbikūn