Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 312 Hüküm no: 514 Orijinal metin no: [49a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Karagöz’ün, Aynî bt. Hüseyin’e borçlu olduğu Budur ki Mustafa b. Karagöz el-Kıbtî mahfil-i kazâda bundan akdem vefât eden Hasan’ın eytâmına kıbel-i şer‘den vasî olan Aynî bt. Hüseyin nâm kıbtiye mahzarında ikrâr ve takrîr-i kelâm edip bin beş yüz akçe karz ve târih-i kitâbdan sene tamâmına değin edâ etmek üzre iki yüz elli akçe çuka bahâsından cemî‘an bin yedi yüz elli akçe lâzımü’l-edâ deynimdir dedikde mukırr-ı mezbûrenin vech-i meşrûh üzre vâki‘ olan ikrârını vasîyy-i mezbûr vicâhen ve şifâhen tasdîk ettikden sonra meblağ-ı mezbûrun zararına mahalle-i Ma‘mûre’den Altın bt. Mustafa nâm kıbtiye kefîl bi’l-mâl oldum dedikde mâ vaka‘a bi’t-taleb tahrîr olundu. Tahrîren fî evâsıtı şehri Ramazâni’l-mübârek sene elf. Şuhûdü’l-hâl: Hacı Hüseyin b. Mustafa, Hüseyin b. Behrâm, Hasan b. Sâdık ve gayruhüm Yevmü’s-sebt fi’l-yevmi’r-râbi‘ ve’l-ışrîn min şehri Ramazâni’l-mübârek sene elf