Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 316 Hüküm no: 520 Orijinal metin no: [50a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. İlyas’ın, Mehmed b. Mehmed’deki alacağını istemesi Budur ki Mustafa b. İlyas nâm kimesne mahfil-i kazâda Mehmed b. Mehmed nâm kimesne mahzarında takrîr-i da‘vâ edip mezbûrede altı çift papuç bahâsından yüz doksan akçe hakkım vardır taleb ederim dedikde gıbbe’s-suâl mezbûr fi’l-hakīka aldım lâkin bundan akdem mezbûra bir katır ve bir öküz bey‘ eyleyip kusûr kalmış idi hesâb edip benim ona yirmi sekiz akçe deynim bâkī kaldı deyu ikrârı bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Şemseddin b. Sâdık, Mustafa [b.] Mehmed, Mehmed b. Behrâm, Hoca Şemseddin el-mezbûr ve gayruhüm