Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 316 Hüküm no: 521 Orijinal metin no: [50a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Keyvan’ın, ölen Murad’daki alacağını tahsil ettiği Budur ki İbrahim b. Keyvan nâm kimesne mahfil-i kazâda bâ‘isü’l-hurûf Pervâne b. Abdullah nâm kimesne mahzarında takrîr-i kelâm edip bundan akdem kitâbete kesdiğim Murad nâm müteveffâ kulum hâl-i hayâtında mezbûr Pervâne’ye emânet üç bin akçe verip vefât ettikde mezbûrun zimmetinde kaldı deyu da‘vâ ve nizâ‘ edip isbât sadedinde iken muslihûn tavassut edip bin üç yüz akçeye ibrâ’ ve ıslâh edip ve bedel-i sulh olan bin üç yüz akçeyi mezbûr yedinden bi’t-tamâm alıp kabz edip zimmetini ibrâ’-i âm ile ibrâ’ eyledim ba‘de’l-yevm benden veya vekîlimden da‘vâmız sâdır olursa lede’l-hükkâm istimâ‘ olunmaya dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk edip mâ vaka‘a kayd olundu. Şuhûdü’l-hâl: İbrahim Bey el-cündî, Hüseyin b. Behrâm, Ahmed Bey b. Abdullah el-cündî, Nasûh b. Şaban, Mustafa Çelebi b. Yunus ve gayruhüm