Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 319 Hüküm no: 529 Orijinal metin no: [50b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Alican b. Süleyman’ın, Mevlânâ Ahmed Efendi’ye açtığı merkeb davasından vazgeçtiği Vech-i tahrîr-i sicil budur ki Hâssa sarrâc şâkirdlerinden Alican b. Süleyman nâm kimesne mahfil-i kazâda kıdvetü’l-kuzât umdetü’l-vülât Mevlânâ Ahmed Efendi mahzarında ikrâr ve takrîr-i kelâm edip bundan akdem müşârunileyh Ahmed Efendi’den da‘vâ eylediğim at ve merkeb husûsunda kendimin kat‘â medhalim yokdur ve husûs-ı mezbûra müte‘allik müşârunileyh Ahmed Efendi ile da‘vâm ve nizâ‘ım yokdur dediği mûmâileyh Ahmed Efendi talebiyle tahrîr olundu. Tahrîren fi’t-târihi’l-mezbûr. Şuhûdü’l-hâl: Hasan b. Sâdık, Mehmed b. Mustafa er-râcil, diğer Mustafa Beşe, Mehmed b. Receb ve gayruhüm