Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 319 Hüküm no: 531 Orijinal metin no: [50a(2)-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Alican b. Süleyman’ın, Nurullah b. Nebi’den koyun bedelinden alacaklı olduğu Hâssa sarrâclar şâkirdi Alican b. Süleyman mahfil-i kazâda Ilgın kazâsından el-Hâc Nurullah b. Nebî nâm kimesne mahzarında takrîr-i da‘vâ edip bundan akdem mezbûr Nurullah’a elli dört bin akçeye koyun verip otuz dört bin akçesin bir def‘a alıp bâkī zimmetinde yirmi [bin] akçe kalmışdı hâlâ taleb ederim dedikde gıbbe’s-suâl mezbûr Nurullah bundan akdem mezbûr Alican zikr olunan yirmi bin akçe husûsiçin Âsitâne-i sa‘âdet’den emîrü’l-ümerâi’l-kirâm Karaman beylerbeyisi mübâşeretiyle sâbıkan Akşehir kadısı olan Ahmed Efendi’ye hitâben emr-i şerîf ihrâc edip zikr olunan yirmi bin akçeyi benden da‘vâ ve taleb eyledikde muslihûn tavassut edip beş bin akçeye ibrâ’ ve ıslâh edip husûs-ı mezbûr için zimmetimi ibrâ’-i âm ile ibrâ’ ve ıslâh eyleyip yedime hüccet-i şer‘iyye verilmişdir dedikde mezbûr Alican dahi fi’l-hakīka mûmâileyh Ahmed Efendi mübâşirim huzûrunda zikr olunan yirmi bin akçeyi beş bin akçeye ibrâ’ eylediler lâkin ikrâhen ibrâ’ eyledim dedikde mâ vaka‘a bi’t-taleb kayd olundu. Şuhûdü’l-hâl: El-Hâc Müstedâm Bey b. Abdullah, Muttalib b. Süleyman, Mehmed b. Habîb, Mustafa b. Mehmed, Ferhad b. Abdullah, Hasan b. Sâdık, Hasan b. Resûl ve gayruhüm