Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 326 Hüküm no: 548 Orijinal metin no: [51b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yahya b. Hasan’ın, Hasan Bey b. Abdullah’a borcuna karşılık evini rehin bıraktığı Yahya b. Hasan nâm kimesne mahfil-i kazâda bâ‘isü’l-hurûf Hasan Bey b. Abdullah nâm kimesne mahzarında ikrâr edip asl-ı mâldan iki bin ve çuka bahâsından sene elf Zilka‘desi’nin gurresinden bir sene tamâmına değin vermek üzre iki yüz akçe cem‘an bin iki yüz akçe lâzımü’l-edâ deynim olup Çavuş mahallesinde vâki‘ inde’l-ahâlî ma‘lûmü’l-hudûd mülk evimi meblağ-ı mezbûr mukābelesinde rehin vaz‘ eyledim dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra meblağ-ı mezbûra zevcesi Aynî bt. İvaz nâm hâtun dahi kefîl oldum dediği bi’t-taleb tahrîr olundu. Tahrîren fî evâsıtı Şevvâli’l-mükerrem sene elf. Şuhûdü’l-hâl: Hüseyin b. Hasan, Ali Çelebi b. Mahmud el-imâm, Yusuf b. Abdullah, diğer Yusuf b. Abdullah, Hacı Memi b. Abdullah, Hacı Abdullah