Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 328 Hüküm no: 554 Orijinal metin no: [52a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nasûh b. Mehmed ile Mustafa b. Veli ve kardeşi Halil’in arâzi anlaşmazlığının halli Mahrûse-i Üsküdar muzâfâtından Akçakilise nâm karye sükkânından Nasûh b. Mehmed mahfil-i kazâda karye-i mezbûreden Mustafa b. Veli ve karındaşı Halil mahzarlarında takrîr-i da‘vâ edip karye-i mezbûre sınırında vâki‘ otuz altı akçe kulluklu yeri nısf-ı mezbûr onun babası Veli ve nısf-ı âharı karındaşı Âşık’ın olup mezbûr Âşık vefât edip evlâdı olmamağın sâhib-i arz bana tapu ile vermiş iken hâlâ mezbûrân Mustafa ve Halil tasarrufuma mâni‘ olurlar dedikde gıbbe’s-suâl mezbûrân Mustafa ve Halil cevâb verip zikr olunan yerin yirmi dörder akçe kulluklusu babamız Veli’nin on iki akçe kulluklusu müteveffâ-yı mezbûr Âşık’ın idiğine yedimizde hüccet-i şer‘iyye olduğundan gayrı vilâyet defterinde dahi minvâl-i meşrûh üzre mastûr ve mukayyeddir dediklerinde mezbûr Nasûh zikr olunan yerin nısfını müteveffâ-yı mezbûr Âşık’ın idiğine beyâna kādir olmayıcak üç hissede bir hisseye râzıyım deyicek üç hissede iki hisseyi mezbûrân Mustafa ve Halil bir hisse mezbûr Nasûh’un olmak üzre tenbîh olunup ve mâ hüve’l-vâki‘ bi’t-taleb tahrîr olundu. Şuhûdü’l-hâl: Muttalib b. Süleyman, Mustafa b. Mehmed, Şemseddin b. Sâdık, Mehmed Bey b. Murad ve gayruhüm