Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 330 Hüküm no: 558 Orijinal metin no: [52b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi Todoro’nun, evini Anastas v. İstefanoz’a sattığı Karamürsel nâhiyesinde Koyunca’dan Yorgi Todoro nâm zimmî mahfil-i kazâda işbu hâmilü’l-hurûf Anastas v. İstefanoz mahzarında ikrâr ve takrîr-i merâm kılıp karye-i merkūmeden Dimitri Ekşino, Murad v. Nikola ve İstati v. Ekşino ve Kefori v. Kaldili nâm zimmîler mülkleriyle mahdûd olup bir evi ve kileri ve havluyu müştemil menzilimi mezbûr Anastas’a on dört bin yedi yüz akçeye bey‘-i bâtt-ı sahîh-i şer‘î birle bey‘ edip teslîm-i mebî‘ ve kabz-ı semen kıldık dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-mezbûr vicâhen tasdîk ve şifâhen tahkīk eylediği kayd olundu. Tahrîren fî evâsıtı şehri Şevvâli’l-mükerrem li sene elf mine’l-hicret. Şuhûdü’l-hâl: Murad Efendi, Hasan b. Resûl, Hasan b. Sâdık, Muttalib b. Süleyman, Mustafa b. Mehmed