Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 332 Hüküm no: 564 Orijinal metin no: [53a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud Paşa’nın, Hacı Ali b. Ağacan’daki alacağını tahsil ettiği Budur ki Sâbıkan Şehr-i Zol beylerbeyisi olan emîrü’l-ümerâi’l-kirâm kebîrü’l-küberâi’l-fihâm Mahmud Paşa -dâme ikbâluhû- tarafından vekîl-i şer‘î olan fahrü’l-akrân Ömer Ağa [b.] Abdullah mahfil-i kazâda vilâyet-i mezbûreden Hacı Ali b. Ağacan takrîr-i kelâm edip bundan akdem müşârunileyh hazretleri bî-vech seksen altı altınım aldı ve âdemisi İsmail Ağa doksan altın buğdayım aldı deyu da‘vâ ve nizâ‘ edip isbâta kādir olmayıcak muslihûn tavassut edip on beş kırmızı altına ibrâ’ ve ıslâh edip ve bedel-i sulh olan on beş kırmızı altını mezbûrân yedinden bi’t-tamâm ve’l-kemâl alıp kabz edip zikr olunan seksen altı altın ve doksan altın husûsiçin benden veya vekîlimden da‘vâ ve nizâ‘ sâdır olursa lede’l-hükkâm istimâ‘ olunmaya dedikde mukırr-ı mezbûrun vech-i meşrûh üzre vâki‘ olan ikrârını vekîl-i mezbûr vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Şuhûdü’l-hâl: Seyyid el-Hâc Ali b. es-Seyyid Mehmed, Sinan Bey ez-zaîm, Nesimi Çavuş Mirmirân, ve gayruhüm