Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 333 Hüküm no: 565 Orijinal metin no: [53a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ebâ Eyyûb el-Ensârî Vakfı’na ait Hereke’nin vergilerinin mukâtaaya verilmesi El-Hâc Mahmud b. Abdullah nâm râcil mahfil-i kazâda Ebâ Eyyûb el-Ensârî mütevellîsinin husûs-ı âti’z-zikre vekîl-i şer‘îsi olan Ahmed b. Abdullah nâm kimesne mahzarında ikrâr edip evkāf-ı mezbûrede Üsküdar’a tâbi‘ Hereke nâm karyenin a‘şâr-ı şer‘iyye ve rüsûm-ı örfiyye ve bâd-ı hevâsın ola geldiği üzre bundan akdem üç sene Musa Çelebi b. Sinan iltizâm on bin akçeye iltizâm kabûl etmiş idi hâlâ işbu sene-i elf’de vâki‘ Mart ibtidâsında üç sene tamâmına dek her senede bir haklaşmak şartı ile bin akçe ziyâde edip on bir bin akçeye iltizâm kabûl eyledim dedikde gıbbe’t-tasdîk ketb olundu. Tahrîren fî evâsıtı Şevvâl sene 1000. Şuhûdü’l-hâl: Hüdaverdi b. Ramazan, Mehmed b. Habîb, Muhzır Hasan b. Sâdık ve gayruhüm