Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 333 Hüküm no: 567 Orijinal metin no: [53a-7] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todora v. Kostantin’in, alacaklarına İbrahim b. Memi’yi vekil tayin ettiği Mahrûse-i Üsküdar’a tâbi‘ karye-i Çengel’den Todora v. Kostantin nâm zimmî mahfil-i kazâda işbu hâmilü’l-kitâb İbrahim b. Memi nâm kimesne mahzarında takrîr-i merâm ve bast-ı kelâm edip mahrûse-i mezbûre ve tevâbi‘inde vâki‘ ba‘zı kimesneler zimmetlerinde hakkım olup zimmî olduğum hasebiyle vermekde te‘allül ederler mezbûr İbrahim’i zikr olunan kimesnelerde olan hukūkumu da‘vâya ve kabza ve îsâle vekîl-i mutlak eyledim dedikde mezbûr İbrahim dahi vekâlet-i merkūmeyi kabûl edip hizmet-i lâzımesin uhdesine aldığı kayd şud. Şuhûdü’l-şud: Mehmed Subaşı, Ali Çelebi b. Mustafa, Mustafa b. Mehmed, Mehmed b. Habîb, Hasan b. Sâdık, fahrü’l-kuzât Yunus Efendi