Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 335 Hüküm no: 570 Orijinal metin no: [53b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todori Dragat’ın, Hacı Abdi b. Ali’deki alacağını tahsil ettiği Budur ki Kıdvetü’l-emâcid ve’l-a‘yân Kurd Ağa çobanlarından Kalender nâm çobanın katlini i‘tirâf eden Todori Dragat mahfil-i kazâda koyunun ra‘y eylediği Hacı Abdi b. Ali mahzarında takrîr-i da‘vâ edip mezbûr Hacı Abdullah’da on bin akçe emânet vaz‘ eyledim hâlâ taleb ederim dedikde gıbbe’s-suâl mezbûr Hacı Abdullah iki bin iki yüz seksen akçe hakkı vardır gayrı bir habbesi yokdur dedikde mezbûr Todori’den takrîrine muvâfık beyyine taleb olundukda beyyineden âciz olup yemîn verildikden sonra meblağ-ı mezbûr iki bin iki yüz seksen akçeyi meclis-i şer‘de teslîm eyleyip mezbûr dahi alıp kabz eyledikden sonra mezbûr Hacı Abdi iki bin iki yüz seksen akçeden gayrı hakkım yok idi ba‘zı kimesneler beni idlâl eylediler onun için mezbûre buhtân eyledim da‘vâmda kāfirim dediği bi’t-taleb tahrîr olundu. Tahrîren fî evâsıtı Şevvâli’l-mükerrem sene elf. Şuhûdü’l-hâl: Mahmud Subaşı an zümre-i yayabaşıyân-ı hâssa, Şeyh Maksud el-cündî, Mehmed b. Sinan, Pîrî Bey er-râcil