Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 334 Hüküm no: 569 Orijinal metin no: [53b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Çavuş b. Abdülmennân’ın, Kartal zimmilerinden aldığı bağı iade ettiği Dergâh-ı âlî çavuşlarından fahrü’l-akrân Hüseyin Çavuş b. Abdülmennân mahfil-i kazâda mahrûse-i Üsküdar’a tâbi‘ Kartal’dan Kostantin v. Dimitri ve karındaşı Yorgi ve Dimitri nâm zimmîler mahzarında ikrâr edip mezbûrlardan bir bağ almışdım on yedi bin akçeye mükrehen aldı deyu benden da‘vâ edip hâlâ kendilere zikr olunan bağ hükm olunup meblağ-ı mezbûr bana red olunmak lâzım gelir mezbûrândan on üç bin akçe mukaddemâ alıp ve yedi bin akçesin dahi hâlâ alıp cem‘an yirmi bin akçeyi mezbûrân zimmîlerin yedinden bi’t-tamâm ve’l-kemâl alıp kabz edip merkūmânın zimmetlerini bağ akçesi da‘vâsından ibrâ’ ve iskāt eyledim dedikde mûmâileyh Hüseyin Çavuş mukarrun lehüma’l-merkūmân vicâhen tasdîk olunduğu kayd olundu. Şuhûdü’l-hâl: Mehmed Usta, Bostancı Sinan Bey, Hüsrev Bey Korucu, Fahrü’l-akrân Hüseyin b. Abdullah er-râcil