Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 337 Hüküm no: 574 Orijinal metin no: [54a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Behrâm b. Abdullah’ın, Mustafa b. Sefer’in üvey kızı Fati’yi kandırıp Üsküdar’a getirdiği Budur ki Mustafa b. Sefer nâm kimesne mahfil-i kazâda Behrâm b. Abdullah mahzarında takrîr-i da‘vâ edip mezbûr Behrâm üveyi kızım Fati nâm hâtunu mahmiye-i İstanbul’dan idlâl edip mahrûse-i Üsküdar’a getirmiş ne vechile getirdi suâl olunup vukūfu üzre sicil olunmasın taleb ederim dedikde gıbbe’s-suâl mezbûr Behrâm cevâb verip Mahmud Paşa Mahkemesi’nde mezbûreye rast geldim iddeti tamâm olmaya on gün vardır dediler ben dahi mahkeme nâ’ibinden icâzet tezkeresi alıp nikâh ettirmeden alıp Üsküdar’a getirip Hüseyin nâm kimesneye emânet vaz‘ eyledim dediği bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Ali Çelebi b. Mehmed, Hasan b. Hamza, Sefer b. Abdullah, Mehmed b. Behrâm ve gayruhüm