Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 343 Hüküm no: 587 Orijinal metin no: [55b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bayezid Bey Vakfı’na borcu olan ve bu sebeple hapiste bulunan Aleksi’nin borcuna kefil olunduğu Üsküdar’da merhûm Bayezid Bey Vakfı’na mütevellî olan Mahmud Bey b. Eymir nâm kimesne mahfil-i kazâda Kadıköyü’nde İrine bt. Yani nâm zimmîye ve Zahriye v. Aleksi mahzarında ikrâr ve takrîr-i merâm kılıp vakf-ı mezbûr mâlından merkūmenin zevci mezbûr Aleksi zimmetinde iki bin nakid akçe olup habse vermişdim hâlâ mezbûrân meblağ-ı mezbûra biz kefîl olalım yüz elli gün tamâmına dek va‘de verdiler ben dahi ikisinin kefâletini kabûl edip târih-i kitâbdan yüz elli gün va‘de verdim dedikde mezbûrân dahi bi’l-mukābele tasdîk edip fi’l-vâki‘ yüz elli gün mehil ile merkūm Aleksi’nin iki bin akçesine kefîl olduk deyu ikrâr ve i‘tirâf eylediklerinde mâ vaka‘a kayd olundu. Tahrîren fî evâhiri Şevvâli’l-mükerrem sene elf. Şuhûdü’l-hâl: Muttalib [b.] Süleyman, Mustafa [b.] Mehmed, Ramazan b. Ali, Hasan b. Sâdık, Yusuf b. Abdullah, Mehmed b. Behrâm