Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 343 Hüküm no: 586 Orijinal metin no: [55b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Süleyman’ın, evini Şahhuban bt. Hızır’a sattığı Budur ki Mehmed b. Süleyman mahfil-i kazâda bâ‘isü’l-hurûf Şahhuban bt. Hızır nâm hâtun mahzarında ikrâr ve takrîr-i kelâm edip Hasan Ağa mahallesinde vâki‘ bir cânibi Nalçacı Mustafa mülkü ile ve bir cânibi arz-ı hâliye ile ve bir cânibi tarîk-i hâs ile ve bir cânibi tarîk-i âm ile mahdûd olan bir bâb çatma evimi odasıyla ve eşcâr-ı müsmire ve gayrımüsmire ile dört bin beş yüz nakid akçeye bey‘-i bât ile bey‘ edip teslîm-i mebî‘ ve kabz-ı semen kıldım dedikde mukırr-ı mezbûrun vech-i meşrûh üzre vâki‘ olan ikrârını mukarruh leha’l-merkūm vicâhen ve şifâhen tasdîk edip kayd olundu. Tahrîren fî evâhiri Şevvâl sene elf. Şuhûdü’l-hâl: Piyâle [b.] Abdullah, el-Hâc Hüseyin [b.] Mustafa, Mustafa b. Ali er-râcil, Ali [b.] Kubad, Mustafa b. Kaya, Mehmed b. Mustafa, Hacı Mustafa b. Abdullah, Muttalib b. Süleyman ve gayruhüm