Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 353 Hüküm no: 611 Orijinal metin no: [58a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali Beşe b. Hamza’nın, evini eşi Zamâne Hâtun bt. Abdullah’a sattığı Oldur ki Torbalı mahallesi sâkinlerinden Ali Beşe b. Hamza nâm kimesne mahfil-i kazâda hâlâ taht-ı tasarrufunda olan zevcesi Zamâne Hâtun bt. Abdullah tarafından husûs-ı âtîye şer‘an vekâleti sâbite olan Nuh Reis b. İskender mahzarında ikrâr ve i‘tirâf edip mahalle-i mezbûrede iki tarafı benim mülküm ile ve Durmuş b. Abdullah mülküyle ve tarîk-i âmla mahdûd olup bir çatma evi ve fırını ve bahçeyi kapısından müştemili ağacı dibinden Fındık-ı a‘lâ yanına varıp duvara varınca olan evimi merkūme zevcem Zamâne’ye sekiz bin nakid akçeye verip kabz-ı semen ve teslîm-i mebî‘ kıldım dedikde vekîl-i merkūm bi’l-muvâcehe mukırr-ı mezbûru tasdîk eyledi. Fi’t-târih. Şuhûdü’l-hâl: Mehmed Subaşı, Sefer b. Abdullah, Müstecâb b. Mustafa, Ali Beşe b. Mustafa, Mustafa b. Mehmed, Halil b. Ramazan