Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 353 Hüküm no: 610 Orijinal metin no: [58a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fatma bt. Abdullah’ın, evini Nuh Reis b. İskender’e sattığı Torbalı mahallesinde sâkine Fâtıma bt. Abdullah tarafından husûs-ı âtîye Ali Beşe b. Hamza ve Halil b. Ramazan nâm kimesneler şehâdetleriyle vekâleti sâbite olan Nuh Reis b. İskender mahfil-i kazâda işbu hâmilü’l-kitâb Mustafa b. Abdullah mahzarında ikrâr ve i‘tirâf edip müvekkilem merkūme Fâtıma mezbûr Mustafa’ya târih-i kitâbdan yirmi yıl mikdârı vardır mahalle-i mezbûrede Durmuş b. Abdullah ve iki tarafı benim mülküm ve bir tarafı tarîk-i âmma muttasıl olup bir çatma evi ve bahçeyi müştemil olan menzilini üç yüz akçeye verip teslîm-i mebî‘ ve kabz-ı semen eyledi ol zamândan bu âna gelince mezbûr Mustafa’nın elindedir dedikde mukırr-ı mezbûrun ikrâr-ı meşrûhunu mukarrun lehü’l-merkūm bi’l-muvâcehe tasdîk eylediği kayd olundu. Şuhûdü’l-hâl: Süleyman [b.] Mustafa, İbrahim Bey b. Veli, Hasan Beşe b. Abdullah, Sefer b. Abdullah, Bâli Halîfe b. Pîr Kadem ve Ali Halîfe b. Mahmud