Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 355 Hüküm no: 615 Orijinal metin no: [58b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Çelebi Vakfı’na ait dükkanın Ali Halîfe b. Mahmud’a kiraya verildiği Merhûm-ı mezbûrun evkāfına mütevellî olan Ali Halîfe b. Mahmud mahfil-i kazâda bâ‘isü’l-hurûf Yusuf b. Abdullah mahzarında takrîr-i kelâm edip evkāf-ı mezbûreden bir tarafı Kalaycı Mehmed dükkânıyla ve bir cânibi Süleyman Ağa vakfıyla ve bir cânibi Yusuf dükkânıyla ve bir tarafı tarîk-i âm ile mahdûd olan bir bâb dükkânı mezbûrdan vakıf için altı yüz akçe icâre-i mu‘accele aldıkdan sonra ayda yirmi beşer akçe icâreye verdim mâh be-mâh vakfa edâ ettikden sonra tasarrufuna kimesne mâni‘ olmaya dedikde gıbbe’t-tasdîk mâ vaka‘a kayd olundu. Şuhûdü’l-hâl: es-Sâbikūn