Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 355 Hüküm no: 614 Orijinal metin no: [58b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Çelebi Vakfı’na ait dükkanın icâre-i mü’eccele ile Mustafa’ya kiraya verildiği Merhûm Ahmed Çelebi evkāfına kāimmakām-ı mütevellî olan Ali Halîfe b. Mahmud mahfil-i kazâda bâ‘isü’l-hurûf Musa b. Hasan nâm nalçacı mahzarında takrîr-i kelâm edip evkāf-ı mezbûreden Gülfem çarşısında vâki‘ bir cânibi Akīdeci Hasan mutasarrıf olduğu dükkân ile ve bir cânibi Kalaycı Mehmed dükkânıyla ve bir cânibi merhûm Süleyman Ağa vakfıyla ve tarîk-i âm ile mahdûd olan dükkân ki mezbûr Musa mutasarrıf idi hâlen mezbûr yedinden vakıf için altı yüz akçe icâre-i mü‘eccele alıp mâh be-mâh vakfa yirmi beş akçe icâre-i mü’eccele vermek üzre verdim mâh be-mâh mezbûr Musafa ta‘yîn olan yirmi beş akçe icâreyi vakıf için edâ ettikden sonra tasarrufuna kimesne mâni‘ olmaya dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk edip mâ vaka‘a kayd olundu. Şuhûdü’l-hâl: Pîrî Bey er-râcil, Murad Halîfe el-hatîb, Yusuf b. Abdullah, Ahmed b. Mahmud el-bakkāl ve gayruhüm