Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 356 Hüküm no: 618 Orijinal metin no: [58b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cemile bt. Abdullah’ın, evini Ahmed Bey b. Abdullah’a vefâen sattığı Budur ki Sultan Tepesi’nde sâkine Cemile bt. Abdullah nâm hâtun mahfil-i kazâda bâ‘isü’l-hurûf Ahmed Bey [b.] Abdullah el-cündî mahzarında ikrâr ve takrîr-i kelâm edip bir tarafı Arpacı Hüseyin mülkü ile ve bir cânibi Osman Ağa mülkü ile ve bir cânibi Hamza Usta mülkü ile ve tarîk-i âm ile mahdûd olan mülk evimi mezbûr Ahmed Bey’e bey‘-i vefâ ile otuz beş bin altı yüz akçeye bey‘ edip teslîm-i mebî‘ ve kabz-ı semen kıldım târih-i kitâbdan yüz seksen gün tamâmına değin edâ etmek üzre eğer târih-i merkūm tamâmında meblağ-ı mezbûru edâ etmezsem sâir mülk gibi mülk-i sarîhi olsun dedikde mukırra-i mezbûrenin vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fî gurre-i Zilka‘de sene elf. Şuhûdü’l-hâl: Ahmed Hoca el-müezzin, Mustafa b. Abdullah, Veli Bey b. Abdullah el-cündî ve gayruhüm