Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 357 Hüküm no: 619 Orijinal metin no: [58b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. İsa’nın, Hacı Ahmed b. Hacı Ebûbekir’e nakit ve simit unundan borçlu olduğu Budur ki Hacı Ahmed b. Hacı Ebûbekir mahfil-i kazâda Mehmed b. İsa nâm kimesne mahzarında takrîr-i da‘vâ edip bundan akdem mezbûr Mehmed ile Hacı Ali b. ( ) nâm kimesnelere ber vech-i iştirâk on dört guruş ve kırk beş kile simid unu verdim hâlâ suâl olunup vukû‘ı üzre sicil olunmasın taleb ederim dedikde gıbbe’s-suâl mezbûr Mehmed inkâr edip mezbûr Hacı Ahmed’den ne guruş ve ne un aldım haberim yokdur deyu cevâb verip mezbûr Hacı Ali’den suâl olundukda fi’l-hakīka mezbûr Hacı Ahmed’den mezbûr Mehmed ile ber vech-i iştirâk on dört guruş ve kırk beş kile simid unu aldık lâzımü’l-edâ deynimdir dedikde mâ vaka‘a bi’t-taleb tahrîr olundu. Şuhûdü’l-hâl: Mehmed b. Behrâm, Bedri Ahmed b. Mehmed el-kadı eş-Şâmî, İbrahim b. Hâfız eş-Şâmî, İbrahim [b.] Sâlih ve gayruhüm Yevmü’l-isneyn gurreti Zilka‘deti’l-harâm li sene elf