Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 359 Hüküm no: 623 Orijinal metin no: [59a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Bey b. Abdullah’ın, Yani v. Ekşino’daki alacağını kefilden tahsil ettiği Mahrûse-i ( ) sâkinlerinden olup ebnâ-i sipâhiyândan olan Osman Bey b. Abdullah mahfil-i kazâda işbu Dimo v. Todoro nâm zimmî mahzarında ikrâr ve takrîr-i merâm kılıp bundan akdem Yani v. Ekşino nâm zimmîden sekiz bin akçe hakkım olup mezbûr Dimo ile Todoro v. Yorgi nâm zimmîler dört [bin] akçesine kefîl bi’l-mâl olmuşlar idi hâlâ merkūm Dimo’dan kefîl olduğu dört bin akçeyi bi’t-tamâm alıp kabz edip kefâletden merkūm Dimo’nun zimmetini ibrâ’ ve iskāt edip mukırr-ı mezbûrun vech-i meşrûh üzre vâki‘ olan ikrârını bi’l-muvâcehe mukarrun lehüma’l-mezbûr tasdîk eylediği kayd olundu. Şuhûdü’l-hâl: es-Sâbikūn