Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 364 Hüküm no: 636 Orijinal metin no: [60b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Edirnevî’nin, Aynî bt. Bâli’deki alacağını tahsil ettiği Budur ki Hasan Edirnevî nâm kıbtî mahfil-i kazâda bâ‘isü’l-kitâb Aynî bt. Bâli nâm kıbtiye mahzarında ikrâr edip mezbûre Aynî’de iki bin akçe hakkım olup hâlâ meblağ-ı mezbûru mezbûre yedinden bi’t-tamâm ve’l-kemâl alıp kabz eyledim zimmetinde bir akçe ve bir habbe bâkī kalmadı dedikde mukırr-ı mezbûrun vech-i meşrûh üzre vâki‘ olan ikrârını mukarrun leha’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fî evâili Zilka‘de sene elf. Şuhûdü’l-hâl: Mustafa b. Kurd el-Kıbtî, Eynesi b. İsmail el-Kıbtî, Şucâ‘ b. Sarı, Evranos b. Behrâm Yevmü’s-sülesâ et-Tâsi‘ min Zilka‘deti’l-harâm li sene 1000