Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 367 Hüküm no: 643 Orijinal metin no: [61a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Tesova köyü timarına mutasarrıf Mehmed b. Abdullah’ın, köyün timar tasarrufu için İbrahim b. Mahmud’dan aldığı paraları geri verdiği Budur ki Vilâyet-i Rum’dan İbrahim b. Mahmud mahfil-i kazâda bâ‘isü’l-kitâb Paşa sancağında Nevrekob nâhiyesinde Tesova nâm karye ve gayride altı bin akçe tîmara mutasarrıf olan Mehmed b. Abdullah mahzarında ikrâr ve takrîr-i kelâm edip bundan akdem tîmar-ı merkūm husûsiçin mezbûr Mehmed’e iki yüz seksen kırmızı altın verdiğim isbât edip şer‘le zimmetine lâzım gelmiş idi hâlen meblağ-ı mezbûru merkūm Mehmed yedinden bi’t-tamâm ve’l-kemâl alıp kabz eyledim zimmetinde bir akçe ve bir habbe hakkım bâkī kalmadı ba‘de’l-yevm husûs-ı mezbûr için benden veya vekîlimden da‘vâ sâdıra olursa lede’l-hükkâm istimâ‘ olunmaya dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Ahmed Bey [b.] Abdullah el-cündî, Veli Bey [b.] Abdullah el-cündî, İlyas Bey el-cündî, Mustafa Çavuş Dergâh-ı âlî, Müstedâm Bey Subaşı