Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 369 Hüküm no: 647 Orijinal metin no: [61b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Himmet b. Müdâm ile Hasan Bey b. Ali’nin, Yunus v. Misis ile Kespir v. Toros’a borçlu oldukları Elbistan alaybeyisi olan kıdvetü’l-emâsil Himmet b. Müdâm ve Hasan Bey b. Ali eş-Şehîr Yağa Bey mahfil-i kazâda bâ‘isü’l-kitâb Yeni İl sâkinlerinden Yunus v. Misis ve kasaba-i Derne sükkânından Kespir v. Toros nâm zimmîler mahzarlarında ikrâr ve takrîr-i kelâm edip mezbûr Yunus’da karz yüz otuz guruş ve mezbûr Kespir’den kefîl bi’l-mâl olan Seyyid İbrahim nâm kimesneye kırk beş guruş alıverdin târih-i kitâbdan elli gün tamâmına değin vermek üzre cem‘an yüz yetmiş guruş lâzımü’l-edâ ve vâcibü’l-kazâ deynimdir dediklerinde mukırrân-ı mezbûrânın vech-i meşrûh üzre vâki‘ olan ikrârlarını mukarrun lehüma’l-merkūmân vicâhen ve şifâhen tasdîk ettiklerinden sonra mâ vaka‘a bi’t-taleb tahrîr olundu. Tahrîren fi’l-yevmi’s-sâlis aşer min şehri Zilka‘deti’l-harâm sene elf. Şuhûdü’l-hâl: es-Sâbikūn