Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 369 Hüküm no: 646 Orijinal metin no: [61a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hanefi Efendi b. Sarı’nın, Yunus v. Misis’e borçlu olduğu Hanefi Efendi b. Sarı mahfil-i kazâda Yeni İl sükkânından Yunus v. Misis nâm zimmî mahzarında ikrâr ve takrîr-i kelâm edip mezbûr zimmîye elli bir guruş karz ve katır bahâsından yirmi dört guruş cem‘an yetmiş beş guruş lâzımü’l-edâ ve vâcibü’l-kazâ deynimdir târih-i kitâbdan elli gün tamâmına değin vermek üzre dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: es-Sâbikūn