Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 370 Hüküm no: 650 Orijinal metin no: [61b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yermiye’nin bostanını kiralayan Erkiro v. Todori’den kira bedelini istemesi Patrik olan Yermiye nâm râhib tarafından vekîl olup vekâleti nehc-i şer‘î üzre sâbite olan Aleksi v. Yani nâm zimmî mahfil-i kazâda Erkiro [v.] Todori nâm zimmî mahzarında takrîr-i da‘vâ edip müvekkilim mezbûr Yermiye’nin Çengel nâm karyede vâki‘ tahdîdden müstağnî olan mülk bostanını her sene bin ikişer yüz akçe icâreye vermiş idim hâlen elf senesinde zimmetine lâzım olan bin iki yüz akçe icâre taleb eylediğimde vermede inâd eder dedikde gıbbe’s-suâl mezbûr Erkiro fi’l-hakīka mezbûr Aleksi’den zikr olunan bostanı her senede bin ikişer yüz akçe icâreye aldım deyu ikrâr ettikde ikrârı mûcebince bin iki yüz akçenin edâsına hükm olunup ve mâ hüve’l-vâki‘ bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Şemseddin [b.] Sâdık, Mehmed Çelebi, Hasan b. Sâdık, Muttalib [b.] Süleyman ve gayruhüm