Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 379 Hüküm no: 668 Orijinal metin no: [63b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Pîrî b. Satı’nın oğlu Hamza için vasî tarafından ev alındığı Pîrî b. Satı nâm müteveffânın sagīr oğlu Hamza’ya kıbel-i şer‘den vasî olan Sabire bt. Şaban mahfil-i kazâda müteveffâ-yı mezbûrun karındaşı Bâli mahzarında takrîr-i da‘vâ edip mezbûr Pîrî vefât ettikde babası Satı üç bin akçesin kabz edip mahalle-i Ma‘mûre’de vâki‘ tahdîdden müstağnî olan evi sağir-i mezbûr için üç bin akçeye alıverip mezbûr dahi vefât ettikde merkūm Bâli vermede inâd eder taleb ederim dedikde gıbbe’s-suâl mezbûr Bâli fi’l-hakīka zikr olunan evi karındaşım Pîrî vefât ettikde babam Satı müteveffâ-yı mezbûr anın üç bin akçesini kabz edip ol akçe ile sagīr-i mezbûra Hamza’ya ol evi alıverdi benim nizâ‘m yokdur dediği kayd olundu. Şuhûdü’l-hâl: Hasan b. Sâdık, Hüseyin b. Behrâm, Muttalib b. Süleyman, Müstedâm el-cündî, ve gayruhüm mine’l-hâzırîn